Қиын-қыстау кезеңде қысылғанға көмек, қиналғанға жәрдем көрсету азаматтық парыз. Қостанайлық нұротандықтар осылай дейді. Төтенше жағдай режимі енгізілген алғашқы күндері банктердің көбісі жұмыс істеген жоқ. Сол кезде көпшілік қолма-қол ақша таппай қалды. Тіпті кейбіреулері азық-түлік ала алмай қиналды. Осы сындарлы сәтте мәслихат депутаттары көпбалалы отбасыларына қол ұшын созып, қолдау көрсетті. Сондай-ақ, жастарды арам пиғылды арандатушыларға ермеуге шақырып, ақ-қараны ажырату үшін ақпараттық түсіндірме жұмыстарын жүргізді. Президент тапсырмасына сәйкес арнайы мониторингтік топ құрып, аймақтағы азық-түлік, жанар-жағар май бағасын бақылауға алды.
Бибігүл АҚҚОЖИНА, «NUR OTAN» ПАРТИЯСЫ ҚОСТАНАЙ ОБЛЫСТЫҚ ФИЛИАЛЫ ТӨРАҒАСЫНЫҢ БІРІНШІ ОРЫНБАСАРЫ:
Біздің партиямыздың,активіміздің қолдауымен көп балалы отбасыларға көмек көрсетілді.Сонымен қатар ереуілге шығып наразылық ой білдірген жастар арасында бәрімен ақпараттық түсіндірме жұмыстарын облыстық мәслихат депутаттары,біздің актив өткізді.
З. Санай
