Кей өңірлерде азық-түлік бағасы негізсіз көтерілген. Бұл туралы Сауда және интеграция министрлігі мәлімдеді. Соңғы аптада 40 мыңнан аса сауда орнына рейд жүргізіліп, 734 дүкеннің бағаны негізсіз көтергені анықталды. Нұр-Сұлтан қаласында 278 жағдай тіркелді. Одан кейін Шығыс Қазақстан облысында - 80, Түркістан облысында - 38, Батыс Қазақстан облысында – 33 дүңгіршек тауарға үстеме құн қосқан. Ал, Қостанай және Маңғыстау облыстарында – 32, Жетісу облысында – 30, Ұлытау облысында -6 жағдай анықталды. Құзырлылар рейд барысында ескерту түрінде 126 әкімшілік хаттама толтырып, 1 айыппұл салған.
А. Задабек
