Елордаға "Астана" атауын қайтаруды мәжіліс депутаттары да қолдайды. Олар бұл халық таңдауы деп отыр. Өңірлерді аралаған сапарларында көпшіліктің осы мәселені көтергенін жеткізді. Соның негізінде парламенттегі бір топ депутаттар елорданың бұрынғы атауын қайтаруды ұсынған болатын. Сондай-ақ ертең бұл мәселе қалалық мәслихат депутаттарының қоғамдық тыңдауында қаралатынын жеткізді. Оған қоғам белсенділері де онлайн қатысып, пікір білдіре алады деді. Айта кетейік, бұған дейін Ұлттық экономика министрі қаланың атауын өзгертуге қосымша қаржы жұмсалмайтынын айтқан болатын.
Бақытбек СМАҒҰЛ, ҚР ПАРЛАМЕНТІ МӘЖІЛІСІНІҢ ДЕПУТАТЫ, "AMANAT" ФРАКЦИЯСЫНЫҢ МҮШЕСІ:
Осы мәселені қайта қарап жатқаны ол халықтың да өзінің пікіріне, осы әділеттілік, қалпына келтіру туралы, тыңдайтын халықты тыңдайтын Үкімет есебіндегі халықтың көзқарасы деп ойлаймын. Сондықтан да аталып жатыр, ешқандай сөкеттігі жоқ , ол басқа атау беріп жатқан жоқ. Бұрынғы атауын беріп жатыр. Халыққа үйреніп қалған.
Еділ ЖАҢБЫРШИН, ҚР ПАРЛАМЕНТІ МӘЖІЛІСІНІҢ ДЕПУТАТЫ, "AMANAT" ФРАКЦИЯСЫНЫҢ МҮШЕСІ:
Жаңағы Астана атауына байланысты бүкіл Қазақстан халықтарының көпшілігінің сұранысы болды. Соған байланысты бұл ұсыныста берілді.
Ә. Дүкембаева
