$460.43 €501.04 ₽6.65
×

Мердігер мен шенеуніктер дауынан оқушылар зардап шегіп отыр

25 қаңтар 2023
128
Мердігер мен шенеуніктер дауынан оқушылар зардап шегіп отыр

Құрылыс компаниясы мен шенеуніктер арасындағы тартыстың кесірінен Батыс Қазақстан облысының Казталов ауданындағы мектептің құрылысы межелі мерзімінен кешікті. Мердігер құрылыс материалдары қымбаттап, шығынға батқанын алға тосса, атқамінерлер мұнымен келіспейді. Айналып келгенде, ауыл балалары апатты ғимаратта білім алып жатыр.

Казталов ауданындағы 600 орындық мектеп былтыр ашылуы тиіс еді. Бірақ құрылысы әлі бітпеген. Қазір ауыл балалары апатты мектепте оқиды. Мектеп басшылығы опырылып құлауы мүмкін ғимараттың үшінші қабатын жауып, жарылған қабырғаны темірмен тартып қойған. Бұл аздай, көктемде еріген қар суы жертөлеге ағады. Ал қоғам белсенділері жергілікті әкімдіктен бастап, біраз органның құрылысты уақытылы қадағаламағанын айтады.

Бауыржан ЗӘКИ, ЗАҢГЕР:

Казталов ауданындағы мектептің құрылысы тоқтап тұрғанын біз жақында ғана көтерген болатынбыз. Содан кейін ғана аудандық қоғамдық кеңесте бірден талқылап, бұл проблеманы осыған дейін үш жыл бойына ешкім көрмегендей әсер қалдырып жатыр. Ең бастысы - бұл жерде балалардың конституциялық құқықтары бұзылуда. Олар қандай жағдайда оқып жатыр, қалай оқып жатыр, білімнің сапасы қандай?

Жаңа мектепті салуға бастапқыда 2 миллиард теңге бөлінген. Кейін баға қымбаттағасын, жоба түзетіліп, тағы 668 млн теңге қосылған. Бірақ кәсіпкер бұл ақшаға құрылыс материалдарын тасу шығыны қосылмай, зиян шектім дейді.

Татьяна КОРШЕВА, МЕРДІГЕР МЕКЕМЕ ӨКІЛІ:

Бізге пандемия біраз кесірін тигізді, қаржы да уақытылы аударылмады. Іле-шала құрылыс материалдары қымбаттады. Материалды тасудың өзіне 273 миллион теңге жұмсадық. Енді құрылыс басқармасын сотқа беріп, шығынымызды өндіріп алмақпыз. Сотта жеңсек, мектепті салып бітіреміз. Қазір тек ішкі жұмыстары қалды.

Тасымал шығыны тәптіштелмегенін шенеуніктер де мойындайды. Бірақ құрылысты уақытылы салып бітіруді міндеттеп, мердігерд сотқа беріпті.

Нұркен МОЛДАШЕВ, БҚО ҚҰРЫЛЫС БАСҚАРМАСЫ БАСШЫСЫНЫҢ ОРЫНБАСАРЫ:

Кірпіштен қаланатын немесе монолит құйып тастайтын мектеп емес. Ол мектепті жинайды осылай: колоннасын қояды, ортасына ригелін қояды, колоннасын қояды, плитасын жабады. Тағы да колоннасын қояды 1, 2-қабаттың. Солай-солай жинайтын мектеп болғаннан кейін, оның бәрін тасымалдау керек ана жаққа. Сметада ол жұмыстар салынбаған. Енді кезінде келісімшарт жасалғанда да ол көрді сол тасымалдау шығындарының жоқ екенін.

Бір-бірін сотқа берген екі тарап жеңіске жетсек, құрылысты алдағы жазда аяқтаймыз дейді. Бірақ оқушылардың өзін сарсаңға салған бұл соттың қашан бітері белгісіз.

Е. Карин




orda

«Orda FM» радиосы

Бұл жақсы музыка, өзекті жаңалықтар, қызықты бағдарламалар мен еркеліктер толқыны
Онлайн тыңдау
AstanaTV жарнамасы

Телеграм-канал AstanaTV

Подпишитесь на наш телеграм-канал и будьте в курсе всех событий моментально . Участвуйте в различных розыгрышах
Соңғы жаңалықтар