Қызылорда облыстық ауруханасының қызметкері өлі туған шақалақтың денесін қоқысқа тастаған. Әлеуметтік желіде осындай ақпарат тарады. Желі қолданушыларының сөзінше, 45 жастағы жүкті әйел ауыр жағдайда ауруханаға түскен. Оның құрсағындағы 4 айлық баланы операциямен алған көрінеді. Ал оралған шарананың денесін тазалықшы қоқыс деп тастап жіберген,-дейді. Оны сосын әлдекімдер өртеп жіберіпті. Бірақ, көпбейінді облыстық аурухана әкімшілігі бұл ақпаратты жоққа шығарып отыр.
ҚЫЗЫЛОРДА ОБЛЫСТЫҚ КӨПБЕЙІНДІ АУРУХАНА ӘКІМШІЛІГІ:
Ем алушы науқас ауыр халде реанимация бөліміне түсті. Науқастың ауыр жағдайын ескере отырып, өмір сүруге қабілетсіз түсігі алынды. Заңға сәйкес тиісті шаралар жүргізілді. Науқастың қазіргі жағдайы тұрақты, емін жалғастыруда. Науқастың өзінен және туыстары тарапынан арыз-шағым тіркелмеген. Керісінше, мамандарымызға ризашылық білдіруде.
