Танымал әнші Жазира Байырбекова бірнеше жылдан кейін қалай екінші қызын дүниеге әкелгенін айтты. Бұл туралы өнер иесі "Қыздар-ай" бағдарламасында әңгімеледі, - деп хабарлайды Massaget.kz тілшісі.
Оның сөзінше, осы мақсатта көп емделген. Ал қызды болған соң өмірлері жаңа бағытқа өзгерген.
"Дара келгелі Жанболат момын болып қалды. Бұрын қатал еді. Дараны өмірге келгенше көп іздендік, емделдік. Бұл жерде менің ғана емес, Жанболаттың денсаулығы да қиындау болды. Сондықтан маған ол жағынан қысым болған жоқ. Өйткені ол бәрімізге мәлім болды. Жанболат өзі де жасырған жоқ. Ал күйеуі, күйеуінің туыстары кінәлайтын келіншектер бар, оларға Алла тағала төзім берсін", - деді Жазира Байырбекова.
