Бьюти сарапшылар косметикаға деген тапшылық жалғаса берсе, сән салондарындағы қызмет түрі тағы 20 процентке қымбаттауы мүмкін - дейді.
БЛИЦ-САУАЛНАМА:
Қанша теңге кетеді бір айда? – Біз енді ауылда тұрғаннан кейін 50 мың теңге. Мелирование, бәрі қымбаттаған.
Салонға көп кетеді ғой. Бір тырнақтың өзі 6-7 мың. Ресница - 10 мың.
Салон иелерінің айтуынша баға шарықтауына мамандардың қызметі емес, шетелдік материалдардың қымбаттауы әсер еткен. Десе де, қызмет құны барлық жерде бірдей өскен жоқ – дейді қызметкерлер. Сөйтсек, мұнда бір механизм бар екен. Көрікті жерде орналасқан салондар, сәйкесінше, жұмысты қымбат бағалайды. Ал, қарапайым орындарда нәпақа тауып жүргендердің алатын ақшасы сол күйі, өзгеріссіз қалған.
Ерлан, ШАШТАРАЗШЫ:
Бағасы сол жақта тұратын адамдарға байланысты қояды. Бұл жерде адамдардың бәрі қарапайым.
Бағасын былай қойғанда, қазір құлпырамын деп құрбан болған арулар туралы жиі еститін болдық. Оған сән салондарында санитарлық талаптардың дұрыс сақталмауы себеп,-дейді мамандар.
Ешқандай санитарлық талаптың сақталмайтыны көрініп тұр. Дәл қазір мұндағы қызметкерлер жауап беруден бас тартты.
Сән салондарын санитарлық-эпидемиологиялық бақылау комитеті қадағалайды. Косметологиялық қызмет көрсететін орталықтар алты айда бір рет, шаштараз секілді сұлулық орталықтары үш жылда бір рет қана тексерістен өтеді.
Марат БАЙТҮГЕЛОВ, ҚР ДСМ САНИТАРЛЫҚ-ЭПИДЕМИОЛОГИЯЛЫҚ БАҚЫЛАУ КОМИТЕТІНІҢ БАС САРАПШЫСЫ:
Азаматтар тарапынан түскен арызда егер нақты негіздер және дәлелді материалдар болған жағдайда мұндай объектілерге қатысты жоспардан тыс тексерулер жүргізіледі.
Елімізде сұлулық салондарының қызметі 15%-ке қымбаттады. Жыл басынан бері отандық салондар 89 миллиард теңге табыс тапқан.
