Израильдегі отандастарымыз елге келді. Арнайы рейспен 166 адам жеткізілді. Оның 124-і Қазақстан азаматы, ал қалған 42-і шетелдік жолаушы. Олар отандастарымыздың туған-туыстары мен жақындары. Қақтығыс аймағынан келгендерді әуежайдан әріптесім Әйкерім Пернебек күтіп алды.
Таяу Шығыстағы қақтығыс ушығып барады. Ондағы қазақстандықтарды эвакуациялау оңайға соқпады. Елге қайтуға ниеттілерді Тель-Авивке жинап, арнайы рейспен Алматыға алып келді.
Олег КОЛЕСНИКОВ, “AIR ASTANA” ӘУЕ КОМПАНИЯСЫНЫҢ БАС ҰШҚЫШЫ:
Ұшу не ұшпау туралы шешім соңғы мезетке дейін, ұшақтың есігі жабылғанша қайта-қайта талқыланды. Яғни өте күрделі жағдай болған соң, басшылық барлық ықтималды қауіптерді ескріп шешім қабылдады. Рейс ешқандай қиындық пен ауытқуларсыз өтті.
Ақтөбелік дәрігер Қарлығаш Өтепбергенқызы Хайфа қаласына мамандығы бойынша тағылымдамадан өтуге 3 айға барған. Бірақ қақтығысқа байланысты екі аптадан соң тоқтатылыпты.
Қарлығаш ӨТЕПБЕРГЕНҚЫЗЫ, ҚАЗАҚСТАН АЗАМАТЫ:
Біз өтіп жатқан қалада соғыс болып жатқан жоқ негізі, бірақ адамдардың көзінде қорқыныш бар, қасымызға сумканы алып жаттық түнде. В любое время үстімізден ракета түсіп кете ме деп қорЫқтық. Бізге бомба убежещенің кодтарын беріп қойды, соған дайын болдық.
Ал алматылық Артур Ковалеский білімін жетілдіру үшін барған. “Тезірек елге жетсек" деп тілепті.
Артур КОВАЛЕВСКИЙ, ҚАЗАҚСТАН АЗАМАТЫ:
Бұндайды бұрын соңды көрмеген соң қатты қорқып отырдық. Сирена мен зымырандар даусы естілген сайын үрейлендік .Еліміз өз азаматтарын осылай тез арада қайтарғаны үшін алғысым шексіз.
Алматыдан Тель-Авивке аптасына екі рет ұшатын әуе кемесі соңғы рейсті 5-ші қазан күні жасаған. Таяу Шығыстағы шиеленіскен қақтығысқа байланысты барлық рейстер тоқтатылды.
