Ал
бүгін Алматыда «Bek Air» әуе компаниясының бірнеше ұшағы көкке көтеріле алмады.
Бұл туралы жолаушыларға алдын ала ескертілді, - дейді компанияның сату және
тасымалдау басқармасы бастығының орынбасары Тұрсын Ахметов. Оның телефон арқылы
берген дерегіне сүйенсек, ұшақтардың кестесі көктем-жаз мезгіліне
орайластырылуда. Соған сәйкес,
«Алматы-Астана», «Алматы-Шымкент» және «Алматы-Қызылорда» бағыттарындағы әуе
рейстері кейінге шегерілген.
Тұрсын
Ахметов, «Bek Air» әуе компаниясы АҚ сату және тасымалдау басқармасы бастығының
орынбасары:
Ақпаратты
СМС хабарламалар арқылы жеткіздік. Ешқандай наразылық білдіріп, жоспарымыз
бұзылды деген хаттар келіп түскен жоқ.
Біздің call - центр тәулік бойы жұмыс істеп жатыр және билеттерді
қайтару мәселесі ол жерде жоқ, аз ғана жолаушылар саны.
Билеттердің бағасы 100 пайыздық көлемде қайтарылып жатыр.
Айгүл ЕРМАХАН
