Қарағандылық
оқушы бойжеткен АҚШ-тың атақты Принстон университетінің оқу грантын ұтып алды.
Айжан Ахметжанова әлемге әйгілі үздік үш оқу орнының бірінде 4 жыл бойы тегін
оқи алады. Ол «қала құрылысының инженериясы» мамандығы бойынша алған білімін өз
отанының пайдасына асыруды жоспарлап отыр.
Назарбаев
интеллектуалдық мектебінің түлегі - Нью -Джерси штатында орналасқан әйгілі
университеттің грантын ұтып алған алғашқы қазақстандық. Айжан 3 жыл бойы тынбай
еңбектенгенін айтады. Ағылшын тілі мен математика, физика пәндерінен бірнеше
қиын сынақтардан өткен. Нәтижесінде АҚШ-та оқысам деген мақсатына қол жеткізді.
Кешікпей анасымен бірге АҚШ-қа аттанады. Болашақ студент «қала құрылысы» саласын
зерттеп, ғылым докторы атануды армандайды. Экологиялық таза үйлер тұрғызып,
қазақ елді мекендерін көркейткісі келеді.
Айжан
Ахметжанова, Қарағанды қаласындағы Назарбаев Интеллектуалдық мектебінің түлегі:
Мен
Қазақстанда шағын ауыл салуды армандаймын. Ол жаңаланып отыратын, біздің
климатымызға қолайлы қуат көздерімен күн көретін болады. Біздің елде құрылыстар
әлі салынып біткен жоқ. Сондықтан алған білімімді өз жерімде жүзеге асырып,
пайдамды тигізем деп ойлаймын.
Айжан ҚУАШ
