Алдағы күндері республиканың алты өңірінде күн суытады. «Қазгидромет» орталығының
таратқан ескерту хабарламасына сай, бүгін Қостанай, Солтүстік Қазақстан,
Ақмола, Павлодар облыстарында, ал ертең Қарағанды, Шығыс Қазақстан облыстарында
ауа температурасы түнде 0 градусқа дейін түседі.
Кей жерлерде термометр
көрсеткіштері минус 3 градус суық болады деген болжам бар. Сондай-ақ, бүгін
аталған өңірлерде солтүстік-батыстан соғатын желдің екпіні, секундына 15-20
метрге дейін жетеді деп күтіледі.
Ләйлә ҚАЗИЯҚПАРОВА
