Алматыда "Балажан" ұлттық сыйлығын тұңғыш
рет табыстау рәсімі өтті. Бұл марапат балалар тауарлары индустриясын дамытуға
үлес қосқан отандық өндірушілерге арналған. Сыйлық 20 шақты номинация
бойынша табысталды. Ең үздік отандық өндірушілер ойыншықтар, нәрестелерге
арналған тауарлар, мектепке қажет заттар, сондай-ақ жүкті және бала
қоректендіретін аналарға арналған заттар бойынша анықталды.
Шараны ұйымдастырушы - Балалар тауарлары
индустриясы қауымдастығы. Осы сыйлықтың арқасында жас компаниялар өздерін
танытуға, ал ірі компаниялар нарықтағы өз позициясын одан әрі нығайтуға
мүмкіндік алады. Тұтынушылар да шет қалмайды. Мамандардың таңдауына сүйене
отырып, балалары үшін ең сапалы тауарларға қол жеткізеді.
Дарья
Гайденрайх, қазақстандық балалар тауарлары индустриясы қауымдастығының
президенті:
Ойыншықтар, балалар киімі, жиһаз. Мұның бәрі - ата-аналардың күнделікті
міндеттерін шешіп қана қоймайды. Бұл - баланың өмір сүріп, дамитын шағын ортасы.
Осы ортаны дұрыс қалыптастыруға аса жауапкершілікпен қарау керек.
"Балажан" сыйлығы осы алуан
түрлі балалар тауарларын реттеуге септігін тигізеді деп үміттенеміз.
Тоғжан ЖАЛҒАСБЕКҚЫЗЫ
