Қарағанды облысындағы АК 159/1 түзету
мекемесінен қашқан азаматтардың есімдері мен ерекше белгілері жарияланды. Қашқынның екеуі де Қарағанды облысының тумалары.
Лошкарев Султан, 1994 жылы туған,
түрмеге ұрлық жасағаны үшін қамалыпты. Бойы
175-180 см, арық бітімді. Түрме аумағынан қашқан күні үстіне сұрғұлт-жасыл
арнайы жұмыс киімін киген. Виктор Шабунин де 1994 жылы дүниеге келген. Ол
түзету мекемесіне көлік ұрлағаны үшін түсіпті. Бойы шамамен 170-175 см, арықша
келген. Шабуниннің де үстінде көгілдір түсті арнайы киім болған.
Еске салайық, 9-шы қараша күні түсте Қарағандының уақытша қамау изоляторынан 2 адам терезенің торын қиып, қашып
кетті. Қарағандыда тұтқындардың қашу оқиғасы бірінші рет болып отырған жоқ. Биыл
шілде айында дәл осы АК 159/1 уақытша қамау изоляторынан бір ер адам қашып
кетіп, бір күннің ішінде ұсталған еді. Қарағанды
облыстық ІІД, қандай да бір ақпараты бар азаматтарды 42-90-25, 42-90-26
нөмірлері бойынша хабарласуларын сұрайды.
Азамат АЛДОҢҒАРОВ