Ұлыбританияда
терроризм қаупі бірнеше жыл көлемінде сақталады. Бұл туралы полицияның
терроризммен күрес бөілімінің үйлестірушісі Марк Роулиге сілтеме жасап,
«Guardian» газеті жазды.
Ең басты қауіп ретінде ол әлемнің түкпір-түкпірінен
адамдарды азғырып, қатарын күн санап арттырып жатқан «Ислам мемлекеті» ұйымын
атайды. «Және
ол ұйым жеңіліс тауып, ыдырап кетсе де, ислам экстремизмі қаупі сақталады»,-
дейді Роули. Оның айтуынша, «Ислам мемлекеті» ұйымы тек Сирия мен Иракта
орналасқан жоқ, олар өзге де елдерде тамыр жайған. Сондықтан алдағы екі-үш жыл
ішінде бұл мәселені түп-тамырымен шешіп тастау мүмкін емес.
Айта кетерлігі, тек
биылдың өзінде Ұлыбритания қауіпсіздік күштері 5 лаңкестіктік әрекеттің алдын
алып, террористердің жолын кескен. Және лаңкестік әрекеттерге қатысы бар деген
күдіпен 270 адамды қамауға алған.
Айгүл ӘДЕПБАЙ