Атырауда
табельді қаруды жоғалтқан полицей жауапқа тартылды. Бұл туралы облыстық соттың баспасөз қызметінің жетекшісі
Боранбай Ғалиев хабарлады. Полицейге қатысты іс Қылмыстық кодекстің
316-бабымен, «қызметтегі селқостық үшін» қозғалған.
Тапаншасын дәретханада ұмыт
қалдырған айыпталушының бірі өз кінәсін толығымен мойындады. Қаруы қылмыскердің
қолына түскен тағы бір полицейге қатысты сот үкім шығарды. Ол 2 жыл шартты
мерзімге кесілді.
Баспасөз қызметі жетекшісінің айтуынша, сот оның өз кінәсін
мойындағанын және 4 баласы барын ескерген. Оқиға 2014 жылдың қыркүйек айында
болды. Түнгі кезекшілікте жүрген полиция
батальонының бөлімше командирі Сырлыбек Көпебаев көлігіндегі 8 патроны бар
тапаншасын кімнің алып кеткенін аңғармаған.
Жоғалған қару мас күйінде ұсталған атыраулық азаматтан тәркіленді.
Боранбай Ғалиев, Атырау облыстық сотының баспасөз хатшысы:
№2 Атырау
қалалық соты жол потрулдік полиция батальонының бөлімше командирі Сырлыбек Көпебаевты ҚР ҚК 316 бабының 2
бөлімімен, яғни қызметіне салғырт қарағаны үшін кінәлі деп танылып, 2 жыл
мерзімге құқық қорғау оргғандарынан қызмет атқару құқынан айыра отырып, 2 жылға
бас бостандығынан айыру жазасын тағайындады. Қылмыстық кодекстің 63 бабын
қолданыла отыра, тағайындалған жазаны шартты деп есептеп, 2 жылға сынақ мерзімін
белгіледі.
Айгүл ӘДЕПБАЙ
