$474.26 €514.48 ₽5.43
×

Италияның бұрынғы премьер-министрі қоғамдық жұмыстан мерзімінен бұрын босатылады

AstanaTV
04.02.2015ж. 10:00
818
Италияның бұрынғы премьер-министрі қоғамдық жұмыстан мерзімінен бұрын босатылады

«Италияның бұрынғы премьер-министрі Сильвио Берлускони-45 күнге белгіленген қоғамдық жұмыстан мерзімінен бұрын босатылады. Мұндай жеңілдік оған жақсы тәртібі үшін жасалды»,-деп жазады Reuters агенттігі.

2013 жылы 78 жастағы медиамагнат 4 жылға бас бостандығынан айырылған. Алайда, оның жасын ескере отырып, сот жазаны жеңілдетті. Берлускониге үй қамаққа алыну немесе Альцгеймер ауруына шалдыққандар емделетін орталықта жұмыс істеу ұсынылды.

Ал, өткен жылы сот - Берлускониге 2015- жылдың 23-сәуіріне дейін аталмыш медициналық мекемеде аптасына 4 сағат жұмыс істеу жазасын тағайындады. Енді, 8-наурызда экс- премьер-министрдің мойнынан барлық жаза алынады.

Саясаткердің алдағы алты жылда президент сайлауына қатысу мүмкіндігі жоқ. Алайда, бұл шектеулерден құтылу үшін Берлускони адам құқығын қорғау жөніндегі Еуропалық сотқа шағым түсірді.

Тоғжан АМАНАЛИЕВА