Шымкентте, өткен сенбіде қар жауғанына қарамастан, бәйшешек гүлдей бастады. Көктемнің
жаршысы атанған, Қызыл кітапқа енген өсімдік қала төңірегінде гүлдеп тұр.
Кешегі жексенбіде аймақта ауа-райы +12 градусқа жылыды. Ал бүгін +16 градусқа
дейін көтерілді.
Биыл өңірде ақпан жылдағыдан жылы. Осының әсері ме, оңтүстікте
көктемнің нышанындай болған өсімдік тым ерте гүл ашты. «Ақпанның алғашқы
онкүндігі аяқталмай, бәшешек атқаны - ерте көктемнің хабары», - дейді
тұрғындар. Ал ауа-райын болжаушылар алдағы үш тәулікте күн жылы және жауынды
болатынын айтады. Және қыстың соңғы айында әлі де суық күндер бар екенін
болжауда.
Айзада ТӨРЕБЕКҚЫЗЫ