Шығыс
Қазақстан облысында су басу қаупіне байланысты республикалық маңызы бар екі
күре жолда қозғалыс тоқтатылды. Мұз аралас екпінді су Өскемен-Алматы бағытындағы
жолдың асфальт қабатын шайып кетті.
Ал Өскемен-Семей-Астана арасындағы Қарасу
өзенін басатын көпірдің бір бөлігі қирап қалды. Жолда қалған жүргізушілер
жергілікті мектепте түнеп, таң ата жолдың қауіпсіз аумағына жеткізілді.
Қазір
облыстың барлық күштері топан суымен күреске жұмылдырылуда. 9 елді мекенде тас
жолдар мен бөгеттердің іргелері қосымша бекітілуде. Жауын-шашын құтқарушылардың
жұмысын одан бетер қиындатты. Қауіпті аймақтағы Переменовка ауылының тұрғындары
көшірілді. Құтқарушылар штабы ахуалдың бақылауда екенін, ал зардап шеккендер
жоқтығын мәлімдеуде.
Евгений
Шатурный, ШҚО
ТЖД ақпараттық-сараптамалық бөлімшесінің басшысы:
Ірі
қара мал мен қойға қауіпсіз орын алдын ала әзірленген. 184 адам жергілікті
мектепке көшірілді. Жұмыс жан-жақты жүргізілуде. Арнайы техника да
жұмылдырылды. Келген су беті қайтқасын, қалпына келтіру жұмыстарын бастаймыз.
