$441.8 €480.02 ₽4.88
×

Оралда ҚПО компаниясы қоғамдық тыңдау өткізді

AstanaTV
05.06.2015ж. 20:00
918
Оралда ҚПО компаниясы қоғамдық тыңдау өткізді

Батыс Қазақстан облысындағы Березовка ауылында денсаулығы нашарлап, ауруханаға түскен балалар дәрігерлерден жәбір көрген. Бұл туралы ҚПО компаниясының өкілдері өткізген қоғамдық тыңдауға келген ата-аналар айтты. 

Әлия Мұқанғалиева, Березовка ауылының тұрғыны:

Сол профессор, сіздің қыздарыңыз өтірік істейді, сіздер көшуді қажет етесіздер, сондықтан деп, сабады, біздің көзімізше. Мына жерінен бүйтіп ұрғанда, мына жеріне тырнақтың ізі кіріп кетті. Сен қыз өтірік істеп жатсың деп сабады. Сосын сүйреп, психболнеске алып кетеміз деді. Біздер Минздравқа звондадық областной, содан кейін олар оларға звондап, әйтеуір қалдырды.

Қарашығанақ кенішін игеруші компания өкілдері, өңірдегі экологиялық жағдайды жақсарту үшін, кешенді жұмыстар жүргізілетінін баяндаған. Бұл іске 1,8 миллиард теңге бөлінді. Алайда, қоғамдық тыңдауға қатысқан жергілікті тұрғындарды басқа мәселе толғандырады. Олар белгісіз сырқатқа ұшыраған балалары емделсе, ауыл қауіпсіз жерге көшірілсе, дейді. Дегенмен, екі мәселе де аяқсыз қалды.

Айта кетейік, мамыр айында Үкімет басшысының орынбасары Бердібек Сапарбаев Қарашығанақ кенішінің жаңа санитарлық қорғаныс аумағын жасақтау қажеттігін айтып, облыс әкіміне тапсырма берген. Бұл істің нақты қашан шешілері әзір белгісіз. 

Сергей Пушкарев, ҚПО компаниясының өкілі:

ҚПО осы мәселе бойынша жергілікті атқарушы органдармен тығыз жұмыс істеп жатыр. Аудан әкімі орынбасарының айтуынша, алдағы күндері тұрғындармен тағы да кездесу ұйымдастырылады. Бұл іске қатысты ресми мәлімдеме сол кезде жасалуы мүмкін.

Бұған дейін хабарлағанымыздай, Березовка ауылы тұрғындары жарты жылдан бері өздерін көшіруді талап етіп келеді. Ауыл балаларының аяқ асты есінен танып қалуына не себеп болғанын дәрігерлер де білмей отыр. Ал тұрғындар бұған ауыл іргесіндегі Қарашығанақ кенішін кінәлайды.

Еркін КАРИН