Қазақстанда жасалған. Атырауда қысым өлшегіш жабдықтар шығаратын цех іске қосылды. Қондырғы мұнай-газ өндірісінен бастап, коммуналдық шаруашылық саласында да қысымды өлшеп, климатқа қарай шығынын есептей алады. Қазақстанда әзірге баламасы жоқ. Сондықтан, «алыстан арбаламай-ақ», бизнес пен билік отандық өнімге тапсырыс бере алады. Кәсіпорынды Атырау әкімдігінің қолдауымен «ҚазМұнайГаз» бен «Schneider Electric» компаниясы ашқан. Әзірге зауыт жылына 2 мың қондырғы шығарады.
Серік СҰҢҒАТОВ, ОПЕРАТОР:
Әлем бойынша төртінші зауыт ашылып жатыр. Сол себептен ашылу салтаныты ұйымдастырылып жатыр. Мұның мақсаты Қазақстандағы сандандыру саясаты бойынша бүкіл «дачиктерді» жергілікті кешендерге жергілікті жерден шығарып, жүзеге асыру, сату. Отандық өнім, бұл тауардың «Қазақстанда жасалған» таңбасы болады.
Б. Нәдірқызы
