Негізгі / Жаңалықтар / Мемлекеттік бюджет 821 млрд теңгеге ұлғаяды - ҚР Қаржы министрі

Мемлекеттік бюджет 821 млрд теңгеге ұлғаяды - ҚР Қаржы министрі

Доллар бағасы 370 теңгеден аспайды. Ал мұнай баррелі 55 доллар шамасында болады. Ұлттық экономика министрі биылға осындай болжам жасайды. Бүгін 2019 жылға арналған республикалық бюджет нақтыланды. Қаржы министрі инфляция 4-6 пайыз деңгейінде болады деді. Сондай-ақ, әлеуметтік бағдарламаларды іске асыруға әлі де 820 миллиард теңге жеткіліксіз. Премьер-министрдің орынбасары оны Ұлттық қордан аламыз деп отыр. Ал «Нұр Отан» партиясы съезінде Президент айтқан әлеуметтік шаралар үшін 444 млрд теңге былай бөлінбек.  

Әлихан СМАИЛОВ, ҚР ПРЕМЬЕР-МИНИСТРІНІҢ ОРЫНБАСАРЫ, ҚАРЖЫ МИНИСТРІ: 

Азаматтардың жекелеген санаттарын әлеуметтік қолдауды күшейту - 224,3 млрд. теңге, аз қамтылған көпбалалы отбасылар үшін жалға берілетін тұрғын үй салу және Қазақстанның «Тұрғын үй құрылыс жинақ банкі» арқылы жеңілдікті кредит беруді енгізу -100 млрд. теңге, өңірлік инфрақұрылымды дамыту 90 млрд. теңге, «Ауыл-ел бесігі» арнайы жобасын іске асыру - 30 млрд. теңге. Екінші бағыт «Жастар жылын» өткізу шеңберінде іс-шараларды іске асыру 24,6 млрд. теңге.

А. Сейфулла