Негізгі / Жаңалықтар / Жалақы өсіруге 144 млрд теңгеден аса қаржы бөлінді

Жалақы өсіруге 144 млрд теңгеден аса қаржы бөлінді

Биыл елде азаматтық қызметкерлердің жалақысын өсіруге 144 млрд теңгеден астам қаржы бөлінді. Бұл туралы еліміздің Еңбек және халықты әлеуметтік қорғау министрлігі хабарлайды. Мысалы бұған дейін жоғары білімді, 2 жыл жұмыс өтілі бар жоғары санатты әлеуметтік қызметкердің жалақысы 81 830 теңгені құраса, 1 маусымнан бастап ол - 98 961 теңге болады. Осылайша, жалақы өсімі 17 130 теңге немесе 21% құрайды. Тағы бір мысал, 5 жыл жұмыс өтілі бар санаты жоқ арнайы орта білімі бар тәрбиешінің жалақысы бұрын 58 984 теңгені құраса, 1 маусымнан бастап 76 114 теңгеге көбейеді. Өсім - 17 130 теңге немесе 29%. Жалақыны арттыру денсаулық сақтау, білім беру, әлеуметтік қорғау, мәдениет, спорт, ауыл шаруашылығы және басқа салаларда жұмыс істейтін 1,1 миллион азаматтық қызметшілерге қатысты.

Н. Біләл