Бүгін жамбылдықтарға, айтыскер ақын Жандарбек Бұлғақтың «Sөz менеджменті» кітабы таныстырылды. Шараға "Nur Otan" партиясы мұрындық болды. 2000 данамен жарыққа шыққан туынды, шешендік қабілетті шыңдауға сеп болмақ. Екі дүркін «Алтын домбыра» иегері атанған айтыскердің сөзінше, еңбек - халық психологиясын ескере отырып жазылған әдістемелік құрал. Ойын орнықты жеткізіп, сөйлеу шеберлігін арттыруға көмектеседі.
Жандарбек БҰЛҒАҚ, АЙТЫСКЕР АҚЫН:
Кітап 3 бөлімнен тұрады. Өйткені халықпен тығыз байланысты жұмыс жасайтын адамға тыңғылықты дайындық қажет. Оның киетін киімінен бастап, сахнаның алдындағы қобалжуды жеңу, әрбір дыбысты анық айтуына байланысты жалпы олардың барлығы 3 бөлімді қамтиды. Сөйлеуге дейін, сөйлеу барысы, сөйлеп болғаннан кейін аудиториямен жұмыс
Б. Жұмабайұлы
