Елорда маңындағы «Жасыл белдеу» Ұлттық паркке айналуы мүмкін. Жасыл алқапқа мұндай мәртебе беруді Елбасы Нұрсұлтан Назарбаев ұсынды. Бұл -алғашында қаланы желден қорғау және қолайлы экологиялық орта қалыптастыру үшін қолға алынған жоба. Қазір қала тұрғындары демалатын орынға айналған. Елбасы 24 жылда «Жасыл белдеу» аумағы кеңейіп, жыл сайын тал- терек отырғызылып, құстар мен жан-жануарға қолайлы орта жасалғанын атап өтті. Бірегей жоба күткен нәтижені берді дейді.
Нұрсұлтан НАЗАРБАЕВ, ҚАЗАҚСТАН РЕСПУБЛИКАСЫНЫҢ ТҰҢҒЫШ ПРЕЗИДЕНТІ, "NUR OTAN" ПАРТИЯСЫНЫҢ ТӨРАҒАСЫ:
Қазір мынау орманның арқасында жел де азайды, суыққа да шыдайды. Экологияны жөндеуге үлкен пайдасы бар. Осы игі істің бәрін жасап жатқан орманшыларға, азаматтарға үлкен ризашылығымды білдіргім келеді.
Ғ.Өтемісов
