Сібір
жарасы Шығыс Қазақстан өңірінде де екі тұрғыннан анықталды. Денсаулық сақтау және әлеуметтік даму
министрі Тамара Дүйсенова бұл ақпаратты растады. Қазір олардың жағдайлары
бірқалыпты, қажетті медициналық көмек көрсетілуде, - дейді ведомство басшысы. Сондай-ақ, министр
Қарағанды облысында тағы екі адам індетті жұқтырып отырғанын айтты.
Еске
салсақ, аталған облыстағы Шет ауданының Еркіндік ауылында 7 адам сібір жарасын
жұқтырды деген күдікпен ауруханаға жеткізілген. Өкінішке орай, екі тұрғын көз
жұмды.
Тамара
Дүйсенова, ҚР Денсаулық сақтау және әлеуметтік даму министрі:
Шет
ауданындағы Еркіндік ауылына барып, біздің мамандарымыз және жергілікті
әкімшілікке қарасты басқарманың мамандары барлығы толық инвентаризация
өткіздік, азаматтармен кездестік, 62 азамат осы 7 аурумен қарым-қатынаста
болған, барлығы есепке алынды, сол кісілермен зерттеу жүргізіп жатырмыз. Ал егер
де сондай қарым-қатынас болатын болса, аурудың алдын алу мәселелері толық
жүргізіліп жатыр.
