Ауа райы -
Негізгі / Жаңалықтар / Қарағандыда заңсыз жұмыс істеген покер клубы әшкереленді

Қарағандыда заңсыз жұмыс істеген покер клубы әшкереленді

Қарағанды қаласында заңсыз жұмыс істеген покер клубы әшкереленді. «Покер» карточкаларымен заңсыз ойын бизнесін ұйымдастырған    облыс тұрғыны болып шықты. Ол «STOP- ойын» жедел- іздестіру шарасы аясында анықталған. Астыртын клубтан айғақ заттар да табылды. Шамамен 1 млн теңге, 300 доллар көлемінде ақша мен арнайы покер жабдықтары тәркіленді. Күдіктіге қатысты қылмыстық іс қозғалды.

Әлібек ӘБДІЛОВ, ҚР ҚАРЖЫ МОНИТОРИНГІ  АГЕНТТІГІНІҢ БАСПАСӨЗ ХАТШЫСЫ:

Қаржылық мониторинг агенттігінің Қарағанды облысы бойынша аумақтық департаментінің қызметкерлері полициямен бірлесіп азаматтың заңсыз әрекетін әшкереледі. Ойын карталары, фишкалар және покер ойнауға арналған 6 үстел табылып тәркіленді. Заңсыз ойын ұйымдастыру бабы бойынша  қылмыстық іс қозғалып сотқа дейінгі тергеу амалдары жүргізілуде.

А. Қуаш