Қостанайға «Ахмет жүріп өткен жолмен» атты экспедиция келді. Ғибраты мол ғылыми танымдық сапарды Нұр-Сұлтан қаласы әкімдігінің тілдерді дамыту және архив ісі басқармасы ұйымдастырған. Экспедиция мақсаты – Ахаңнан қалған мол мұраны зерттеп жүрген ғалымдардың жаңа деректерін көпшілікке таныстыру, насихаттау. Ахметтанушы ғалымдар мен зиялы қауым өкілдерінен құрылған топ Әулиекөл, Қостанай, Арқалық, Бидайық, Торғай, Ахмет Байтұрсынұлы ауылына барып, ғылыми-танымдық іс-шаралар өткізеді. Кейін ғалымдардың баяндамалары жинаққа басылып, оқу орындарының кітапханалары мен ғылыми орталықтарға табысталады.
Жандос СМАҒҰЛОВ, ФИЛОЛОГИЯ ҒЫЛЫМДАРЫНЫҢ ДОКТОРЫ:
Ұлттық әдебиеттану ғылымының негізін қалаған – Ахмет Байтұрсынұлы. Себебі әлемдік әдебиет теориясында қолданылып жүрген терминдер, пән атауларын толықтай қазақшалап, ұлттық ұғымға сай етіп, жоғары оқу орындарында оқытудың негізін қалап шықты.
З. Санай
