Отандық әнші Бағлан Әбдірайымов көпшілікке екінші фильм түсіріп жатқанын айтты. "Жігіттер" тобының мүшесі алғашқы киносын түсіргенде шығынға ұшырағанын Instagram желісінде баяндап берді, деп жазады KAZ.NUR.KZ.
"Маған құмар ойын жайлы өте көп сұрақ келеді. Ол - адамның санасына байланысты. Осы кезге дейін берген сұхбаттарым, "Ақ пен Қара" кітабым", фильмім - бәрі ойдан алынған. Алғашқы кинода аздап шығынға ұшырадым. Оның орнын екінші киномен жабамын деген ниетім бар. Басқа нұсқа жоқ. Одан кейін де біраз қиыншылықтан өттік. Оны жазбаймын, айтпаймын. Өйткені, алдағы болашағымды тек жақсылыққа толтырғым келеді", - деп жазды Бағлан Әбдірайымов.
