Астанада тұрғын үйлердің бірінің ауласында оқ атылды. Полицияға түскен хабарламадан кейін оқиға орнына патрульдік экипаж жедел жеткен. Алдын ала мәлімет бойынша, аулада ішімдік ішкен бір топ адам агрессивті мінез-құлық танытқан. Полиция құқық бұзушыларға қатысты заңға сәйкес шара қолданылатынын мәлімдеді. Ал тұрғындардың жарақат алғаны туралы ақпаратты жоққа шығарды.
АСТАНА ҚАЛАСЫ ПОЛИЦИЯ ДЕПАРТАМЕНТІ:
Құқыққа қайшы әрекеттердің алдын алу мақсатында үй тұрғындарының бірі газ тапаншасынан аспанға ескерту ретінде оқ атқан. Оқиғаға қатысушылардың барлығы сол жерде ұсталып, полицияға жеткізілді.
