«Самұрық-Энерго» басқармасындағы өзгеріс Qazaq Banki-ндегі жағдайға байланысты емес. Ақционерлік қоғамның баспасөз хатшысы осылай деп мәлімдеді. Бұған дейін БАҚ мекемедегі ауыс-түйісті компания қаражатын осы банкке салғандықтан болды деп хабарлаған болатын. Бүгін "Самұрық-Энерго" директорлар кеңесінің жаңа төрағасы болып Алик Айдарбаев тағайындалды. Қуаныш Бектеміровтің қызметі мерзімінен бұрын тоқтатылды. Баспасөз қызметінің хабарлауынша, өткен жылы Qazaq Banki-не 7,2 миллиард теңге салынған. Ол екінші деңгейлі банктерге салған энергохолдинг қаражатының 15,9 пайызын құрайды.
Марат Мұхамедсәлиев, «Самұрық-Энерго» АҚ Үкіметпен және коммуникациямен байланыс жөніндегі офистің баспасөз хатшысы:
Бүгінгі 27 сәуірдегі есеп
бойынша «Qazaq banki» есепшотындағы қалған ақша 9,8 миллион теңгені құрайды.
"Самұрық-Энерго" ақшаны қажет кезде пайдаланатын болады. Сондықтан, БАҚ хабарлағандай, компанияның барлық бос активтері бір банкте сақталған деген
ақпарат шындыққа жанаспайды.
