Эстонияда
«Көктемгі дауыл» атты ауқымды әскери жаттығулар басталды. ТАСС-тың хабарлауынша, оған НАТО елдері өкілдерін қосқанда 6 мыңнан астам сарбаз қатысады. Әскери
жаттығулар Ресей шекарасы маңында өтеді және үш аптаға созылмақ. Ресми
мәлімдемеге сәйкес, сценарий бойынша дабыл қағылып, әскерилер шұғыл сап түзеуі
керек.
Бір қызығы - Эстониядағы жаттығу Пентагон басшысы Эштон Картердің
мәлімдемесімен тұспа тұс келді. Ол НАТО-ның 4 батальоны Польша мен Балтық
елдеріне орналасатыны туралы айтқан. НАТО-ның Шығыс Еуропадағы жалпы күші 4000
адамға толығады. Сарапшылар Альянстың міндеттері күрт өзгеретінін байқап жатыр.
Лаңкестікпен күреске және бейбітішілікті қорғауға бағытталған НАТО-ның әскери
күші енді Ресейге қарсы ойысқанын айтады.
Мөлдір БАҚЫТҚЫЗЫ