Дауға айналған «Интервью» фильмі ақыры
АҚШ-та прокатқа шығатын болды. Sony Pictures кинокомпаниясы осыған дейін
Солтүстік Корея көсеміне жасалған қастандық туралы комедияны көрсетуден бас
тартқан еді. Бірақ, бұл іс көпшіліктің талқысына түсіп, жұртшылықтың наразылығы
күшейгеннен кейін авторлар бұл картинаны көрсету керек деген шешімге келіпті.
Жарыққа шықпай жатып, басы дауға
қалған туынды ертеңнен бастап, АҚШ-тағы жекелеген кинотеатрларда көрсетіле
бастайды. Бүгіннің өзінде жоғары ұпай жинаған
«Интервью» туындысы рейтингте көш бастап тұр. Бұл фильмнің экранға жол тартуын, тіпті АҚШ президенті Барак Обама да мақұлдады.
Айта кетелік, Sony компаниясының бұл
фильмді түсіруден бас тартқанын сынаған президент кибершабуылдарымен қорқытқан
хакерлердің әрекеті жауапсыз қалмайтынын айтып, сес те көрсеткен еді.
Еркін ҚАРИН
