«Самұрұқ-Қазына» Америкадағы
Силикон жазығында «Самұрық Innovation» аталатын еншілес компания құрмақ. Жуырда
қор басшысы Өмірзақ Шөкеевтің жетекшілігімен құрылған жұмыс тобы АҚШ-тағы Калифорния шаттына барып, бірқатар
кәсіпорындарын аралап қайтты.
Атап айтсақ, Стэнфорд және Беркли сынды белді
университеттер мен Tesla Motors, SolarCity сынды танымал инновациялық
компаниялардың жұмысымен танысты - деп, қордың баспасөз қызметі хабарлады.
Тараптар таза энергетика, газ-химия, көлік, медицина, ауыл шаруашылығы мен
білім беру, ІТ саласын дамытуда әріптестік орнату мүмкіндіктерін сөз етті. Қазақстандық делегация Силикон жазығының іскер және ғылыми орта өкілдерін мамырда Астанада өтетін экономикалық форумға
шақырды. Форумда «ЭКСПО-2017»
Халықаралық мамандандырылған көрмесінде іске асырылуы мүмкін бірлескен жобалар
талқыланады деп жоспарлануда.
Айта
өтейік, Tesla Motors кәсіпорны алғашқы
толық электрлі спорттық автокөлік құрастырған соң, дүние жүзіне танымал болды.
Таяуда Х модельіндегі жол талғамайтын электр көліктерін құрастылмақ. Ал,
SolarCity - Құрама штаттардағы энергетика саласында қызмет ететін ірі компания. 2006 жылы
құрылған кәсіпорын жекелеген тұрғындарды, кәсіпорындарды, тіпті мемлекеттік
мекемелерді күн қуатымен қамтамасыз етіп отыр.
Ләйлә ҚАЗИАҚПАРОВА
