Ел ішінде оқушылар арасындағы «Тұлпар мініп, ту алған!» байқауы басталды. Сайысқа 6 мен 10 сынып оқушылары қатыса алады. Талап: «Едіге батыр» жырын мүлтіксіз жатқа айту. Одан бөлек қатысушы Алтын орда хандығының тарихына қатысты сұрақтарға дұрыс жауап беріп, жырда кездесетін көнерген сөздердің мән-мағынасын түсіндіріп беруі шарт. Аталмыш бәйге алдымен аудандық және облыстық деңгейде өткізіледі. Биыл үшінші жыл қатарынан өтіп жатқан байқаудың жүлделері де қомақты. Облыстық сайыста бірінші орын алған жеңімпазға 750 мың теңге, аудандық кезеңде топ жарған оқушыға 150 мың теңге тағайындалған. Ал жарысқа әзірлеген мұғалімге 1 жарым млн теңге берілмек. Аталмыш шаранының ұйымдастырушылары, «Nur Otan» партиясы, Білім және ғылым министрлігі және «Qazaq Epos» қоғамдық қоры.
Арман АБДУЛЛАЕВ, "ТҰЛПАР МІНІП, ТУ АЛҒАН!" БАЙҚАУЫНЫҢ ЖЕТЕКШІСІ:
Эпидемияға байланысты қатысушы аз. Биыл 5000 қатысушы ғана бар. Былтыр 2019 жылы 50 мыңнан асқан болатын.
Д. Жарқынбек
