Бұрынғы энергетика вице-министрі Жұмабай Қарағаев екі айға қамауға алынды. Бұл туралы қаржылық мониторинг агенттігі мәлімдеді. Сондай-ақ, агенттіктің Маңғыстау облысы бойынша аумақтық департаментінің жедел-тергеу тобы сұйылтылған мұнай газының бағасын негізсіз көтеруге қатысы бар деген күдікпен электрондық сауда алаңдарының басшылары мен бірнеше тұлғаны ұстаған.
ҚР ҚМА БАСПАСӨЗ ҚЫЗМЕТІ:
Ж.Қарағаевқа қатысты сот қаулысымен тергеу органы сайлаған және облыс прокуратурасы қолдаған екі ай мерзімге «күзетпен ұстау» түріндегі бұлтартпау шарасы санкцияланды. Өзге ақпарат тергеу мүддесінде жария етуге жатпайды.
А. Базарбай
