$458.69 €501.3 ₽6.52
×

Прокурор Руслан Күлекбаевқа өлім жазасын сұрады

27 қазан 2016
1769
Прокурор Руслан Күлекбаевқа өлім жазасын сұрады

Руслан Күлекбаевқа өлім жазасы берілсін. Алматы қаласы прокурорының көмекшісі Жарқынбек Бақашбаев айыпталушыға осындай жаза сұрады. Ол өз сөзінде Қылмыстық Кодекстің 291-бабының 2-тармағымен, Конституцияда ең ауыр жаза - өлім жазасы террорлық акті жасағандарға қолданылатыны жайлы жазылғанын айтты.

Жарқынбек Бақашбаев, Алматы қаласы прокурорының көмекшісі:

ҚР Қылмыстық кодексінің 255 бап 4 бөлігімен  мүлкі тәркіленіп, өлім жазасы  берілуін сұраймын.

Прокурор Күлекбаев ісі бойынша жауапқа тартылып жатқан 5 сыбайласын да жазасыз қалдырмауды сұрады. Олардың мүлкін тәркілеп, 3  жылдан 12 жылға дейін бас бостандықтарынан айыру керек деді. Ал, басты айыпталушы Руслан Күлекбаев соңғы сөзінде қандай жазаға да көнетінін айтты.

Руслан Күлекбаев, айыпталушы:

Маған өлім жазасы болсын, мәңгілік отыру жазасы болсын,  қандай зорлық -зомбылық болсын  бәріне иншаллаһ сабыр етемін. Және маған  қолданған заңынан  Аллаһтың жаратқан шыбыны шақса,  сол маған қатты батады. Қалғаны маған  жай ғана. 

Бұл іс бойынша сот үкімі 2 қараша күні шығарылатыны белгілі болды.      


orda

«Orda FM» радиосы

Бұл жақсы музыка, өзекті жаңалықтар, қызықты бағдарламалар мен еркеліктер толқыны
Онлайн тыңдау
AstanaTV жарнамасы

Телеграм-канал AstanaTV

Подпишитесь на наш телеграм-канал и будьте в курсе всех событий моментально . Участвуйте в различных розыгрышах
Соңғы жаңалықтар