Негізгі / Жаңалықтар / АҚШ президенті Ким Чен Ынмен 12 маусымда Сингапурде кездеседі

АҚШ президенті Ким Чен Ынмен 12 маусымда Сингапурде кездеседі

АҚШ президенті Дональд Трамп пен Солтүстік Корея көшбасшысы Ким Чен Ынның кездесетін күні белгілі болды. Ол 12 маусымда Сингапурде өтеді.  Мұны Ақ үй басшысы "Твиттердегі" парақшасында жазды. Корея Халықтық Демократиялық Республикасының көршілері пікірін білдіріп үлгерді. Жапония премьер-министрі Синдзо Абэ бұл келіссөз Пхеньяндағы зымыранды-ядролық қару мәселесін шешетініне сенім білдірді. Ал Қытай сыртқы істер министрлігі "бұл ядролық қарусызданудағы маңызды қадам" деп мәлімдеді.