ЭКСПО-2017
көрмесінің билеттері онлайн-сатылымға шықты. Бұл туралы ұйымдастыру комитетінің
баспасөз қызметі хабарлайды. Ресми мәліметке сай, ең арзан билет 6 мың теңге.
Онлайн-билеттің алғашқы сатып алушысына сыйлық табысталады. 2017-нші, жүз
мыңыншы, миллионыншы және 5 миллионыншы
сатып алушы да тартудан құр қалмайды.
Онлайн-билеттерді зейнеткерлер, көп балалы
аналар мен студенттер, мектеп оқушылары жеңілдікпен сатып ала алады. Ал ардагерлер мен мүгедектер, жетім және 6 жасқа толмаған балалар көрмеге тегін кіре
алады. Билеттер бүгіннен бастап келесі жылдың 9 маусымына дейін сатылады. Ал көрме қарсаңында олар кассада сатыла бастайды. ЭКСПО-2017 көрмесі Астанада 10
маусым мен 10 қыркүйек аралығында өтпек. «Болашақтың энергиясы» тақырыбындағы
халықаралық шараға 5 миллиондай қонақ келеді деп жоспарланған.
Айжан ҚУАШ
